• 0551128002

06/19/2017 6:57 م

تنظيف المنزل وترتيبه

العيد قرب كل سنة وانتوا طيبين، طبعاً بدأ موسم التنضيف في كل بيت في مصر، وأكيد عدد كتير جداً من ربات البيوت بيحسوا إن المهمة دي شاقة جداً ومتعبة ومملة وخصوصاً لو مفيش حد بيساعد، فعشان راحتك تهمنا النهاردة هنقولك على خطوات هتساعدك تنضفي بيتك كله من السقف للأرض بأقل مجهود و أقل وقت ولو نفذتي الخطوات اللى هنقولك عليها اكيد هتحسي بالفرق .

  • أول خطوةتنظيف التراب :  

تنظيف التراب هي أول حاجة هتعمليها لما تبدأي عملية تنظيف البيت وده هيكون كالآتي:

ابدأي من فوق من السقف نضفي السقف كويس بفرشة أو مقشة نظيفة عشان ميسبش علامات ونزلي كل التراب و الغبار و خيوط العنكبوت الموجودة في السقف و الأركان وطبعاً لازم تكوني مغطية الكنب و الفرش عشان ميتوسخش، وبعدين هننفض الكنب و الانتريهات كويس، وطبعاً هتكوني شايلة السجاجيد وبعدين تروحي تجيبي المكنسة و تبتدي تكنسي كل التراب اللى علي الأرضية وبرضه تمشيها علي الانتريهات عشان تضمني ان مفيش تراب خالص أو عفار في المكان .

  •   تنظيف الحوائط:

من المهم جداً ان تكون الحوائط نظيفة خصوصاً لو البياض لونه فاتح فلو لقيتي اي بقع أو آثار صوابع علي الحوائط كل اللى هتعمليه هتجيبي فوطة أو سفنجة ناعمة و تجيبي علبة أو طبق فيه ( ماء دافئ + خل + أي مسحوق جل أو سائل الاطباق ) وتبتدي تمسحي مكان البقع بالخليط ده وهتلاقي البقع اختفت علي طول.

  •   رش الغرف ( خليط الماء الدافئ و كربونات الصودا )

والخطوة دي بنعملها عشان ننضف بيها النجف عن طريق اننا نملأ رشاشة ماء بالخليط من الماء الدافئ و كربونات الصوديوم ونبتدي ترشي على النجف و الأباليك و أعلى الستائر هتلاقي كل التراب اللى لازق على النجف نزل على الأرض والنجف بقي بيلمع.

  •  تغيير ملاءات السرير وفرش الكنب و الأنتريهات

الخطوة اللي بعد كده هي تغيير ملايات السراير و لو في فرش علي الانتريه والصالون نغيره بواحد نضيف وبرضه تخلصي كل الغرف مرة واحدة عشان تكوني خلصتي البند ده ولو ظروفك المادية تسمح حاولي يكون في طقم جديد للعيد عشان تحسي ان البيت بيعيد زيكوا بالظبط و هيفرق كتير معاكي و يرفع من روحك المعنوية ويحسن المود ويدى طاقة إيجابية للبيت وكل الموجودين فيه .

 

5-   مسح الأرضيات وفرش السجاجيد :

نبتدي نمسح الأرضيات مرة واحدة يعنى كل غرفة ندخلها نمسح أرضيتها ونسيبها تنشف وبعدين ندخل الغرفة التانية وهكذا كل الشقة عشان برضه نكون خلصنا مسح الشقة كلها مرة واحدة وبعدين ترجعي تفرشي سجادة أول غرفة تم مسحها و هكذا برضه هتكوني خلصتي فرش السجاد كله مرة واحدة .

و ياريت نحط أى معطر في ماية المسح عشان يدي البيت رائحة حلوة  ومنعشة وتتشجعي تكملي باقي الشقة.

6-    تلميع المرايات

دلوقتى ندخل كل غرفة ونلمع المرايات الموجودة فيها بملمع الزجاج مضاف إليه شوية خل صغيرين (هيعملوا لمعان مش طبيعي) وفوطة نضيفة خالص أو ورق جرايد و الأحسن تكون فوطة قطن نضيفة عشان تلمع كويس ونبتدي نلمع المرايات و الزجاج والترابيزات والأسطح الرخامية و زراير النور المعرضة للمس باستمرار والفازات والتحف وكل الاسطح المحتاجة تلميع هتلاقي الشقة ابتدت تلمع.

7-   تلميع الأثاث الخشبي :

فى بعض ربات البيوت بتفضل تعمل كل منتجات التنظيف في البيت باستعمال مكونات طبيعية وده لسببين غن معظم المنظفات الموجودة في السوق مضرة بصحة الأطفال وللناس اللى بتعاني من حساسية الصدر أو الجيوب الأنفية والسبب التاني إن أغلب منتجات التنظيف سعرها غالي جداً وبما إننا داخلين على عيد ومصاريف فانا جبتلكوا وصفة جميلة ورخيصة جداً لتلميع الخشب والباركيه وتعتبر بديل للبليدج كل اللى هنحتاجه :

  • لمون معصور حوالي كوب متوسط
  • زيت زيتون بنفس كمية الليمون

هنخلط المكونين دول كويس جداً مع بعض وبعدين نحطهم في بخاخة ونبتدي نرش بيهم على الخشب المراد تلميعه وهتلاحظى نظافة ولمعان وريحة جميلة وكمان بيحافظ على الأثاث من التشقق والتقشير.

وللناس اللى معندهاش وقت تعمل وصفات وتركيبات استخدمى ملمع الخشب ( بلدج) لتلميع الأثاث ليعطيه بريقاً ولمعاناً ورائحة عطرة منعشة وأيضاً سيحافظ علي الأثاث من الخدش والتقشير.

8-  نظافة المطبخ:

فى ناس بتقول طالما المطبخ نضيف يبقى الشقة نضفت والحقيقة انا شخصياً مع الرأي ده لما بلاقي المطبخ خلص بحس براحة نفسية وبيكون الباقي سهل عليا ود لأن نظافة المطبخ تحتاج إلي بعض المجهود لأن المطبخ دائماً ما يكون في حالة فوضي دائمة أغلب الأوقات فابدأي بغسيل الأطباق ( المواعين يعنى ) وبعدين ننظف البوتجاز باستخدام مزيل الدهون ( أي نوع ) مضاف إليه الخل و كربونات الصوديوم لتسهيل عملية إزالة الدهون المتراكمة علي البوتجاز وستلاحظى أيضاً لمعان جميل وساطع خاصة إذا كان البوتجاز ستانلس.

9-  نظافة الحمام: 

الحمام أكثر مكان لازم يكون نظيف ومعقم حتي لا تتراكم الميكروبات والجراثم فيه، احنا هنقولك وصفة جميلة وسهلة ومش غالية عشان تخلي حمامك بيلمع زى المرايا من النظافة هتجيبي زجاجة فاضية و تملي نصها صابون سايل اي نوع صابون وبعدين هنحط ربع الزجاجة خل ونحط الربع اللي فاضل ماء+ديتول او كلوركس، ونبتدي ندعك الحمام كله الحوائط والأرضية والحوض والبانيو والتواليت باستخدام سفنجة خشنة أو فرشاة بلاط وهتشوفي الفرق بنفسك.

10-  تزيين المنزل واللمسات الأخيرة:

نييجي بقى للمسات الأخيرة ، الأول هنجيب ورد بألوان كتيرة طبيعي أو صناعي والأفضل يكون طبيعي لأنه بيدى روح وبهجة في المكان ونوزعه في جوانب الشقة في فازات ولو كمان شوية زرع أخضر هيبقى المنظر روعة ، وبعدين نجيب معطر جو بريحة الورد ( أو أى رائحة بتحبيها ) ونرش الشقة كلها واستمتعي بالمنظر والرائحة الجميلة.

  نصائح مهمة في منزلك سيدتي الجميلة

  • يجب الاهتمام بأخذ قسط كافي من النوم يوميا وذلك لان زيادة أوقات السهر تسبب بالتعب والإرهاق للجسم مما لا تستطيعي القيام بأعمال المنزل
  • الاهتمام بأخذ كمية كافية من الماء خلال اليوم وان تكون تلك الكمية لا تقل عن ثماني أكواب يوميا وذلك لان قلة الماء تسبب التعب والإرهاق
  • في حالة إذا كنت امرأة عاملة فيجب الاهتمام بتناول الغذاء الصحي المناسب وعند العودة للمنزل القيام بأخذ قسطا من الراحة قبل البدء في العمل داخل المنزل ومن الأفضل أن تقومي بأخذ قيلولة صغيرة وذلك لإعداد نشاط الجسم ومن الأفضل أيضا القيام بتجهيز المنزل كاملا مساء الأمس وان يتم تجهيز الطعام في الصباح الباكر قبل الذهاب للعمل مما يوفر الكثير من التعب
  • من المهم أن تقومي بممارسة التمارين الرياضية بعد تناول وجبة الإفطار وذلك لتنشيط الدورة الدموية في الجسم ومما تساعد علي إمداد الرئتين بالأكسجين التي تحتاجه كما أنها تساعد علي تدفق الدم الذي يكون محمل بالأغذية والتي يحتاجها الخلايا للجسم للقيام بوظائفها علي أجمل وجه كما يجب المحافظة علي نوعية الغذاء التي يتم تناولها

الاهتمام  بالمنزل من اهم اولويات السيدة العربية اذا كانت اعمال المنزل شاقة عليكي فعليكي الاستعانة شركة تنظيف بالرياض فهي قادرة علي اعطائك النظافة التامة وراحة كل سيدة سعودية

وكل سنة وانتوا طيبين .







 
error: Content is protected !!